रसुवास्थित भोटेकोशी नदीमा आएको भीषण बाढीका कारण मृत्यु हुनेको संख्या १०० पुगेको छ ।

नेपाल प्रहरीका प्रवक्ता डीआईजी अबि नारायण काफ्लेका अनुसार अहिलेसम्म १०० जनाको शव भेटिएको छ । रसुवा, नुवाकोट, धादिङ, चितवन र गोरखाका नदी तटीय क्षेत्रमा शव भेटिएका हुन् ।

---

---

भेटिएका शवको पहिचान खुलाउने प्रयास भइरहेको डीआईजी काफ्लेले जानकारी दिए । बाढीमा परी २८ जना प्रहरी कर्मचारीसमेत सम्पर्कविहीन छन् ।

बुधबार बिहान करिब ९ बजे चीनको तिब्बततर्फबाट आएको ल्हेन्दे खोलाको बाढी रसुवाको भोटेकोशी नदीमा मिसिएपछि ठूलो क्षति भएको हो । बाढीका कारण रसुवाको टिमुरे र मैलुङमा कार्यरत सशस्त्र प्रहरी कर्मचारीसमेत सम्पर्कविहीन भएका छन् ।

बाढी प्रभावित क्षेत्रमा सुरक्षाकर्मी परिचालन गरी उद्धार कार्य जारी राखिएको छ। जोखिममा परेका नागरिकलाई सुरक्षित स्थानमा स्थानान्तरण गर्ने कामसमेत भइरहेको प्रहरीले जनाएको छ ।